АҚШ бошчилигидаги халқаро коалиция 2014 йил августида Ироқ ва Суриядаги ИШИД марраларига ҳаводан зарба беришни бошлаганидан бери 50 мингга яқин жангари йўқ қилинди. Бу ҳақда Пентагоннинг юқори мартабали вакилига таяниб, «Интерфакс» хабар бермоқда.
Шу вақт мобайнида ИШИД марраларига 16 минг авиаҳужум уюштирилди, уларнинг учдан икки қисми Ироқ ҳудудига тўғри келади.
Пентагон вакилига кўра, коалиция зарбаларидан жами 173 нафар фуқаро ҳалок бўлди. Бироқ ОАВ тинч аҳоли вакиллари орасидаги қурбонлар сони расмий маълумотлардан анчагина ортиқ эканлигини таъкидламоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)