АҚШнинг янги сайланган президенти Дональд Трамп Америка байроғини омма олдида ёқиб юборадиган фуқароларни жазолаш кераклигини айтди, деб ёзади «ТАСС».
Бундай хабар республикачининг Twitter’ида пайдо бўлди. «Ҳеч кимнинг Америка байроғини ёқиб юборишига йўл қўймаслик керак, — деб ёзди Трамп. — Агар улар бу ишни қилса, оқибати ҳам бўлиши керак — эҳтимол, АҚШ фуқаролигидан маҳрум этилиши ёки бир йилга қамалиши керак!»
Шу ойнинг аввалида Атлантада Трампнинг президентликка сайланишига қарши бўлган намойишчилар Жоржия штати қонунчилик мажлиси биноси ёнида Америка байроғини ёқиб юборган эди. Намойишда 500 дан ортиқ киши қатнашди.
Nobody should be allowed to burn the American flag - if they do, there must be consequences - perhaps loss of citizenship or year in jail!
— Donald J. Trump (@realDonaldTrump) November 29, 2016
Изоҳ (0)