«Норманд тўртлиги» (Россия, Германия, Украина, Франция) мамлакатларининг ташқи ишлар вазирлари учрашуви якунланди, деб ёзади «ТАСС».
29 ноябрь, сешанба куни Минскда бўлиб ўтган музокараларда вазирлардан ташқари, ЕХҲТнинг Украинадаги Махсус мониторинг миссияси раҳбари Эртугрул Апакан, унинг ўринбосари Александр Хуг ва ЕХҲТнинг Алоқа гуруҳидаги раиси махсус вакили Мартин Сайдик қатнашди.
«Норманд тўртлиги»нинг ташқи ишлар вазирлари учрашувини ноябрь охиригача ўтказиш ҳақида Россия, Франция, Украина президентлари ва Германия канцлери 19 октябрь куни Берлинда келишиб олган эди.
ТИВ раҳбарлари Украина жануби-шарқидаги вазиятни тартибга солиш бўйича йўл харитасини тасдиқлаши тахмин қилинган эди, бироқ музокаралардан аввал Россия, Германия ва Франция ташқи ишлар вазирлари ушбу масалада муваффақиятга эришилишига шубҳа билан қараган эди.