Испания чемпионати 14-туридан ўрин олган «Барселона» ва «Реал» ўртасидаги «Эль-Класико»дан ишланган барча маблағ Колумбияда авиаҳалокатга учраган Бразилиянинг «Шапекоэнсе» клубига йўналтирилади. Бу ҳақда, Мидиарио нашрига асосланиб, «ТАСС» маълум қилмоқда.
Боливиядан Колумбиянинг Меделин шаҳрига учаётган Lamia самолёти 29 ноябрга ўтар кечаси Ла-Унён шаҳри яқинида ҳалокатга учради. Ҳаво кемаси бортида 72 йўловчи ҳамда 9 нафар экипаж аъзоси бўлган. Самолёт ичида футбол бўйича Бразилия А сериясида ҳаракат қилаётган «Шапекоэнсе» клубининг 27 футболчиси бўлгани ҳам хабар қилинганди.
Сўнгги маълумотларга кўра, «Шапекоэнсе» клубининг икки футболчиси – захира дарвозабони Жексон Фоллманн ва ҳимоячи Алан Рушел тирик қолган. Қутқарувчилар томонидан тирик топилган жамоанинг асосий посбони Данило кейинроқ шифохонада жон берди.
Қайд этиш жоиз, «Шапекоэнсе»нинг 9 нафар аъзоси Колумбия сафаридан четда қолганди.
Маълумот учун, «Барселона» ва «Реал» ўртасидаги навбатдаги «Эль-Класико» 3 декабрь куни «Камп Ноу» стадионида бўлиб ўтади. Учрашув Тошкент вақти билан соат 20:15 да старт олиши режалаштирилган.
[playbuzz-item playbuzz_url="http://www.playbuzz.com/muhrima10/3-dekabrda-kim-g-alaba-qozonadi"]
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)