Колумбиядаги авиаҳалокат натижасида бортида 72 нафар йўловчи ва 9 экипаж аъзоси бўлган самолёт ерга қулаганди. «Championat.asia» нашри маълумотига кўра, ҳалок бўлганлар орасида Кайо Жуниор ҳам бор.
Кайо Жуниор 27 нафар футболчиси ҳалок бўлган Бразилия футбол клубини бошқариб келаётганди. У 2016 йил бошида БААнинг «Аш-Шабаб» клубига ҳам устозлик қилган бўлиб, Осиё Чемпионлар Лигасининг плей-оффида ўйнаш учун жамоаси билан Тошкентга ҳам ташриф буюрганди.
Қайд этиш керак, «Аш-Шабаб» шарафини ўзбекистонлик футболчилардан бири Азиз Ҳайдаров ҳимоя қилади. «Бунёдкор»га қарши ўйиндан кейин Кайо Жуниор Азиз Ҳайдаров борасида берилган саволга жавоб қайтариб, ўзбекистонлик футболчи шаънига илиқ фикрлар билдирганди.
Изоҳ (0)