Kolumbiyadagi aviahalokatda O‘zbekiston milliy termasi a’zosi Aziz Haydarovga murabbiylik qilgan shaxs ham bo‘lgan

Kolumbiyadagi aviahalokat natijasida bortida 72 nafar yo‘lovchi va 9 ekipaj a’zosi bo‘lgan samolyot yerga qulagandi. “Championat.asia” nashri ma’lumotiga ko‘ra, halok bo‘lganlar orasida Kayo Junior ham bor.

Kayo Junior 27 nafar futbolchisi halok bo‘lgan Braziliya futbol klubini boshqarib kelayotgandi. U 2016-yil boshida BAAning “Ash-Shabab” klubiga ham ustozlik qilgan bo‘lib, Osiyo Chempionlar Ligasining pley-offida o‘ynash uchun jamoasi bilan Toshkentga ham tashrif buyurgandi.

Qayd etish kerak, “Ash-Shabab” sharafini o‘zbekistonlik futbolchilardan biri Aziz Haydarov himoya qiladi. “Bunyodkor”ga qarshi o‘yindan keyin Kayo Junior Aziz Haydarov borasida berilgan savolga javob qaytarib, o‘zbekistonlik futbolchi sha’niga iliq fikrlar bildirgandi.