Испаниянинг Каталония мухтор ўлкаси ҳукумати кейинги йил бюджетига ажралиб чиқиш бўйича референдум ташкил этиш учун алоҳида банд киритди. Бу ҳақда, EFE агентлигига асосланиб, «ТАСС» хабар бермоқда.
Айтилишича, плебисцит ташкил этилишига 5,8 миллион евро ажратиш кўзда тутилмоқда.
Испания шимоли-шарқидаги Каталония мухтор ўлкасида кўпдан буён мамлакат таркибидан ажралиб чиқиш тарафдорлари аҳоли томонидан кенг қўллаб-қувватланмоқда. 2016 йил 6 октябрда вилоят парламенти кейинги йил сентябрига қадар референдум ўтказиш тўғрисидаги резолюцияни маъқуллади.
Изоҳ (0)