Футбол бўйича Европа Чемпионлар Лигасининг «F» гуруҳини кутилганидек «Боруссия Дортмунд» ва «Реал» клублари муваффақияти якунлади. 7 декабрь куни «Сантьяго Бернабеу»да бўлиб ўтадиган сўнгги тур гуруҳ ғолиби номини аниқлаб беради.
5-турга келиб Чемпионлар Лигаси тарихидаги энг сермаҳсул ўйин қайд этилди. Мусобақа тарихидаги ҳеч бир учрашувда 12 та гол киритилмаганди. «Боруссия Дортмунд» — «Легия» учрашувида мана шу ҳолат қайд этилди. Дортмундликлар Польшада ҳам «Легия» дарвозасига 6 та гол уришга муваффақ бўлганди.
Маълумот учун, Чемпионлар Лигасининг ортда қолган 5 та ўйинида 19 та гол урган «Боруссия Дортмунд» Бундеслиганинг сўнгги турида «Бавария»нинг мағлубиятсиз сериясига ҳам якун ясаб берганди.
Мадриднинг «Реал» клуби гуруҳ босқичида «Легия»га очко улашган ҳозирча ягона жамоа бўлиб турибди. «Спортинг» майдонидаги ғалабадан кейин Зинедин Зидан жамоаси навбатдаги босқич масаласини ижобий ҳал қилган бўлса-да, гуруҳ пешқадамлиги ҳал қилинмаган. Бунинг учун сўнгги турда Дортмунд «Боруссия»си мағлуб этилиши шарт.
Европа Чемпионлар Лигаси «F» гуруҳи. 5-тур 22 ноябрь, сешанба
«Боруссия Дортмунд» — «Легия» 8:4
Голлар: Александар Приёвич, 10 (0:1). Синдзи Кагава, 17 (1:1). Синдзи Кагава, 18 (2:1). Нури Шаҳин, 20 (3:1). Александар Приёвич, 24 (3:2). Усман Дембеле, 29 (4:2). Марко Ройс, 32 (5:2). Марко Ройс, 52 (6:2). Михал Кухарчик, 57 (6:3). Феликс Пасслак, 81 (7:3). Неманя Николич, 83 (7:4). Марко Ройс, 90+3 (8:4).«Спортинг» — «Реал» 1:2
Голлар: Рафаэль Варан, 29 (0:1). Адриен Силва, 80-пен (1:1). Карим Бензема, 87 (1:2).Четлатиш: Жоау Перейра, 64 (С).
Изоҳ (0)