“Borussiya Dortmund”dan Chempionlar Ligasi tarixidagi eng sermahsul o‘yin, Madridning “Real” klubi nimchorak finalda (video)

Futbol bo‘yicha Yevropa Chempionlar Ligasining “F” guruhini kutilganidek “Borussiya Dortmund” va “Real” klublari muvaffaqiyati yakunladi. 7-dekabr kuni “Santyago Bernabeu”da bo‘lib o‘tadigan so‘nggi tur guruh g‘olibi nomini aniqlab beradi.

5-turga kelib Chempionlar Ligasi tarixidagi eng sermahsul o‘yin qayd etildi. Musobaqa tarixidagi hech bir uchrashuvda 12 ta gol kiritilmagandi. “Borussiya Dortmund” — “Legiya” uchrashuvida mana shu holat qayd etildi. Dortmundliklar Polshada ham “Legiya” darvozasiga 6 ta gol urishga muvaffaq bo‘lgandi.

Ma’lumot uchun, Chempionlar Ligasining ortda qolgan 5 ta o‘yinida 19 ta gol urgan “Borussiya Dortmund” Bundesliganing so‘nggi turida “Bavariya”ning mag‘lubiyatsiz seriyasiga ham yakun yasab bergandi.

Madridning “Real” klubi guruh bosqichida “Legiya”ga ochko ulashgan hozircha yagona jamoa bo‘lib turibdi. “Sporting” maydonidagi g‘alabadan keyin Zinedin Zidan jamoasi navbatdagi bosqich masalasini ijobiy hal qilgan bo‘lsa-da, guruh peshqadamligi hal qilinmagan. Buning uchun so‘nggi turda Dortmund “Borussiya”si mag‘lub etilishi shart.

Yevropa Chempionlar Ligasi “F” guruhi. 5-tur 22-noyabr, seshanba

“Borussiya Dortmund” — “Legiya” 8:4

“Sporting” — “Real” 1:2