Сурия ташқи ишлар вазири Валид Муаллим Туркияни унинг мамлакатига қарши тўғридан-тўғри тажовузда айблади, деб ёзади «Интерфакс».
«Сурия ўз ҳудудида биттагина турк аскари бўлишига ҳам қарши», — деди Муаллим 20 ноябрь, якшанба куни Дамашқда бўлиб ўтган матбуот анжуманида.
«Туркия режими Сурия ҳудудига босқинчиликни амалга оширди, — дея таъкидлади Сурия вазири. — бу тўғридан-тўғри тажовуздан бошқа нарса эмас».
Август охиридан буён Анқара Сурия шимолида Туркия билан чегара бўйлаб ИШИД террорчиларидан холи бўлган хавфсизлик ҳудудларини яратиш мақсадида «Фрот қалқони» операциясини ўтказмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)