Анжелина Жолининг Брэд Питтга қаратилган айбловлари асоссиз бўлиб чиқди, деб ёзади «Вести.ru». Гап шундаки, интернетда Питтнинг айбсиз эканлигини исботловчи аудиоёзув пайдо бўлди, энди актёр собиқ рафиқасига қарши жавоб компроматини тайёрламоқда.
Аввалроқ Жоли Питт уларнинг 15 ёшли ўғли Паксни у онасини маст отасининг ҳужумидан ҳимоя қилмоқчи бўлганида урганини айтган эди. Анжелинанинг сўзларига кўра, ҳодиса уларнинг Миннеаполисга учаётган шахсий самолётида содир бўлган. Шунингдек, актриса Питтнинг сўнгги пайтларда қўпол ва салга аччиқланадиган бўлиб қолганини таъкидлаган эди.
Radar Online эълон қилган аудиоёзувга кўра, самолёт бортида, юлдузли оила учаётган вақтда фақат турбулентлик юз берган. Йўловчилар ўртасидаги ҳеч қандай низо ҳақида учувчи диспетчерга маълум қилмаган. Шунингдек, жанг овозлари ҳам йўқ.
Изоҳ (0)