Бюджет маблағини талон-тарож этишда гумон қилинган Қозоғистон халқ артисти, продюсер Тунгишбай Жаманкулов давлатга барча ўғирланган пулларни қайтаришга ваъда берди. Бу ҳақда Қозоғистон давлат хизмати ва коррупцияга қарши кураш агентлиги раиси Қайрат Кожамжаров маълум қилди, дея хабар беради «Интерфакс».
«Бугунги кунгача у 6 миллион тенге (17,4 минг доллар) атрофида қайтарди. ‘Қозоқфильм’ олдидаги барча қарзини тўлашга ваъда берган», — дея таъкидлади Кожамжаров.
Олдинроқ агентлик вакиллари «Феникс» фильми бош продюсери бўлган Жаманкулов «Қозоқфильм» томонидан картинанинг тайёргарликдан олдинги ва тайёргарлик босқичлари учун ўтказиб берилган 79 миллион тенгедан 69 миллионини талон-тарож қилганини маълум қилганди. Маблағ Жаманкулов таъсисчи бўлган T.K.Turan Universal Business фирмаси орқали ўмарилган.
2 ноябрда актёр ҳибсга олинган ва кейинчалик гаров пули эвазига қўйиб юборилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)