Актриса Шаҳзода Матчонова унаштирилгани маълум қилинди

Актриса Шаҳзода Матчонова турмушга чиқмоқда. Бу ҳақда «Даракчи.uz» актрисанинг Instagram’даги саҳифасига жойлаган сурати орқали маълум қилди.

«Шаҳзода бармоғига никоҳ узуги тақилгани акс этган суратни Instagram’даги саҳифасига жойлади. Унинг ҳамкасблари ва яқинлари Шаҳзодани унаштирув билан қутлаб, бахт-саодат тиламоқда. Актрисани машҳурлардан хонанда Рухшона, дизайнер Дилдора Қосимова, актриса Гулнора Қосимова, клипмейкер Ёдгор Носиров, бошловчи Ойхон Ифорзода табриклади», – дейилади хабарда.

Хабарда таъкидланишича, Шаҳзода бундан аввал ижтимоий тармоқлардаги саҳифалари орқали бир неча маротаба севган инсонини учратганига ишора қилган эди.

Шаҳзода Матчонованинг бўлажак турмуш ўртоғи ким экани ҳозирча номаълум.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.