Россия—2018 мундиали учун кураш олиб бораётган Жанубий Америка мамлакатлари саралашнинг 12-турини якунлади.
Тўрт кун аввал Бразилиядан йирик ҳисобда мағлуб бўлиб, танқидлар остида қолиб кетган Аргентина терма жамоаси бу сафар йирик ғалабани қўлга киритди. Лионель Мессининг голи билан бошланган ўйинда Колумбия термаси дарвозаси жавобсиз уч бор ишғол қилинди. Ўйинда, шунингдек, Аргентинанинг ўйинларини ёқтирмаётганларга Discovery каналини кўришни тавсия қилган аёлнинг турмуш ўртоғи Анхель Ди Мария ҳам ўз номига гол ёзиб қўйди.
Уругвай терма жамоаси эса Чилида имкониятни бой берди. Беллашувда «Арсенал» ҳужумчиси Алексис Санчес дубл қайд этган бўлса, «Барселона» ҳужумчиси Луис Суарес учрашув якунида пенальтидан аниқ фойдалана олмади.
Турнир жадвалида пешқадамлик қилаётган Бразилия терма жамоаси эса Уругвайнинг очко йўқотишидан кейин аҳволини янада яхшилаб олди. Неймар жамоадошлари мазкур турда Перу меҳмони бўлиб, 2 та гол фарқи билан зафар қучди.
ЖЧ—2018 (КОНМЕБОЛ) 12-тур беллашувлари 16 ноябрь, чоршанба