ЖЧ—2018 саралашининг учинчи босқичида иштирок этаётган Ўзбекистон ва Эрон миллий терма жамоалари 10 ноябрь куни ўртоқлик ўйинларида майдонга тушди.
Самвел Бабаян бошчилик қилаётган Ўзбекистон миллий терма жамоаси Тошкентда Иорданияни қабул қилиб, ўзбекистонлик ҳакам бошқариб борган беллашувни 1 та гол фарқи билан ўз фойдасига ҳал қилди. Ягона гол биринчи 45 дақиқалик сўнггида Игорь Сергеев томонидан урилди.
15 ноябрь куни Ўзбекистон миллий терма жамоаси Сеулда Жанубий Кореяга қарши беллашувда майдонга тушади.
Шу куни Сурия билан тўқнаш келадиган Карлуш Кейруш бошқарувидаги Эрон миллий терма жамоаси ҳам 10 ноябрь куни ўртоқлик ўйинида иштирок этиб, Папуа Янги Гвинея постига 8 та гол урди ва ўз дарвозасидан 1 та гол ўтказиб юборди.
Маълумот учун, эронлик футболчилар ЖЧ—2018 3-саралаш босқичида Ўзбекистонни Тошкентда мағлуб этиб кетганди — 1:0.
Халқаро ўртоқлик учрашуви 10 ноябрь, пайшанба
Ўзбекистон — Иордания 1:0
Гол: Игорь Сергеев, 45 (1:0).Ўзбекистон: Александр Лобанов — Даврон Ҳошимов, Егор Кримец, Анзур Исмоилов, Виталий Денисов (Станислав Андреев, 46), Вадим Афонин (Азиз Ҳайдаров, 72), Одил Аҳмедов (Сардор Рашидов, 45), Сервер Жепаров (Александр Гейнрих, 45), Отабек Шукуров (Жавоҳир Соҳибов, 64), Элдор Шомуродов (Жалолидин Машарипов, 59), Игорь Сергеев.
Изоҳ (0)