Тошкентда 1 ноябрь куни ҳаво ҳарорати +25 даражагача кўтарилади

1 ноябрь, сешанба куни Қорақалпоғистон Республикаси ва Хоразм вилоятида, шунингдек, мамлакатнинг тоғли ҳудудларида ёмғир ёғиши эҳтимоли бор. Бу ҳақда «Ўзгидромет» маркази хабар бермоқда.

Хабар беришларича, 1 ноябрга ўтар кечаси Ўзбекистоннинг тоғли ҳудудларида +2...+7 даража, Қорақалпоғистон Республикаси ва Хоразм вилоятида +5...+10 даража, Қашқадарё ва Сурхондарё вилоятида +10...+15 даража, қолган барча ҳудудларда, хусусан, Тошкент шаҳрида +12 даражагача илиқ бўлиши кутилмоқда.

Сешанба куни кундузи Қорақалпоғистон Республикаси ва Хоразм вилоятида ҳаво ҳарорати +10...+15 даража, мамлакатнинг тоғли жойларида +15...+20 даража, Фарғона водийси вилоятларида +18...+23 даража, Тошкент шаҳрида +23...+25 даража, қолган барча ҳудудларда +28 даражагача илиқ бўлади.

«Ўзгидромет» маркази ахборотига кўра, 1 ноябрга ўтар кечаси ва 1 ноябрь кундузи Ўзбекистоннинг тоғли ҳудудларида, Қорақалпоғистон Республикаси ва Хоразм вилоятида ёмғир ёғиши мумкин. Қорақалпоғистон ва Хоразмда шамолнинг тезлиги сониясига 15—20 метргача кучайиши эҳтимоли бор.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.