«Ўзбекистоннинг етти мўъжизаси»ни аниқлаш бўйича акция байрам тадбири билан якунланди. Маросим Алишер Навоий номидаги Ўзбекистон Миллий кутубхонасида InfoLib–2016 Миллий ахборот-кутубхона ҳафталиги доирасида бўлиб ўтди. Бу ҳақда «Infocom.uz» хабар бермоқда.
Ўзбекистон Республикаси маданият ва спорт ишлари вазирлиги бошқарма бошлиғи Ғиёсиддин Ражабов, Ахборот технологиялари ва коммуникацияларни ривожлантириш вазирлиги бўлим бошлиғи Толибжон Мирзақулов, UZINFOCOM маркази директори Ғайратхўжа Сайдалиев мазкур акциянинг тарихий, маданий ва табиий мерос ҳақидаги маълумотларни оммалаштиришдаги аҳамиятини таъкидлади.
«Meros.uz» лойиҳаси координатори Зумрад Шожалилова тадбир қатнашчиларини акция бориши жараёни ва якунлари билан таништирди.
Етти мўъжиза қаторидан ўрин олган обида ва иншоотлар вакилларига тантанали вазиятда буни тасдиқловчи эсдалик ёрлиқлари топширилди. Тақдирлашда Ўзбекистон халқ артисти Шерали Жўраев иштироки тадбир қатнашчилари учун яна бир совға бўлди.
«Ўзбекистоннинг етти мўъжизаси» акцияси ғолибларини эслатиб ўтамиз:
1. Регистон ансамбли (Самарқанд)2. Савицкий номидаги Қорақалпоғистон санъат музейи (Нукус)3. Тошкент телеминораси (Тошкент)4. Симпозиумлар саройи (Тошкент)5. Мирзо Улуғбек расадхонаси (Самарқанд)6. Ичан Қалъа (Хива)7. Гўри Амир мақбараси (Самарқанд)
Изоҳ (0)