Жанубий Корея президенти Пак Кин Хе ўз котибиятида кадр ўзгаришларини амалга оширди. Бу ҳақда «ТАСС» хабар бермоқда.
Давлат раҳбари собиқ прокурорни фуқаролик ишлари бўйича котиб, Миллий кенгашнинг собиқ спикерини эса ижтимоий масалалар бўйича котиб этиб тайинлади.
Шунингдек, Пак Кин Хе маъмурий масалалар, президентнинг шахсий масалалари ҳамда жамоатчилик билан алоқалар бўйича котибларни истеъфога чиқарди. Улар коррупцион жанжалларга аралашиб қолган Чхве Сун Силь билан алоқадорликда гумонланаётган эди. Уч амалдор ҳам истеъфони қабул қилди.
Мазкур ўзгаришлар президентнинг дугонаси, унинг сайлов кампаниясига яқиндан ёрдам берган Чхве Сун Силь аралашиб қолган коррупцион жанжал билан боғлиқлиги айтилмоқда. Чхве Сун Силь ўз мавқеидан фойдаланган ҳолда йирик компанияларни унга алоқадор икки жамғармага кўп миллионли эҳсонлар қилишга мажбурлаганликда айбланмоқда. Айримлар, ўз навбатида, Пак Кин Хени дугонасининг бу ишларига йўл қўйиб берганликда гумон қилмоқда.
Изоҳ (0)