Тошкентда қулаган бино, Олимпиада медаллари камайган Ўзбекистон, тўйи қачон ва қаерда бўлиши номаълум Райҳон ва куннинг бошқа муҳим янгиликлари

27 октябрнинг эътиборга молик янгиликлари — «Дарё»нинг кечки дайжестида.

1. Тошкент шаҳрида бино конструкциясининг тўсатдан қулаши оқибатида 3 киши ҳалок бўлди. Тошкентнинг Фаробий кўчасида уй қулашига бетон плиталар босими сабаб бўлгани билдирилмоқда.

2. Абдулазиз Камилов Афғонистон президенти вакиллари билан ўзаро алоқаларни мустаҳкамлаш масалаларини муҳокама этди. Афғонистон президентининг иқтисодий масалалар бўйича катта маслаҳатчиси Ҳумоюн Қаюмий ва президентнинг Марказий Осиё давлатлари ҳамда Россия билан ҳамкорликни ривожлантириш бўйича махсус вакили Муҳаммад Шокир Коргар Ўзбекистонга ташриф буюрди.

3. Ўзбекистон байроғи остида чиқиш қилган эркин курашчи Сослан Тигиев Олимпиадалардаги иккинчи медалидан маҳрум этилди. Тигиев аввалроқ Лондон—2012 Олимпиадаси бронза медалидан ҳам маҳрум қилинган эди.

4. Райҳон Йигитали билан ажрашишини эълон қилишидан бир ой аввал бўлажак турмуш ўртоғи иштирокида клип суратга олдирган. Райҳоннинг Фарҳод Алимов билан тўйи айнан қачон ва қаерда бўлиши ҳозирча ноаниқ қолмоқда.

5. «Бизнинг интервью пуллик!». Хонанда Жаҳонгир Отажонов билан эксклюзив интервью.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.