Моуриньо: «Манчестер Юнайтед» курашда давом этади, биз эркак бўлишимиз керак

«Манчестер Юнайтед» бош мураббийи Жозе Моуриньо «Манчестер Сити»га қарши Англия Лига Кубоги 4-босқичи олдидан ўз фикрини билдириб ўтди, деб хабар бермоқда «Чемпионат».

«Навбатдаги учрашувни Премьер-лига доирасида ўтказишни афзал кўрган бўларди. У ерда вазият кўнгилдагидек эмас. Етакчилардан 6 очкога ортда қоляпмиз. Бизда оғир тақвим бўлди. Биз ҳатто ‘Сток Сити’ билан ўйинда очко йўқотдик.

Олдинда осон ўйинлар йўқ, биз ‘Бёрнли’, ‘Суонси’, ‘Вест Ҳем’, ‘Сандерленд’ ва ‘Мидлсбро’ни ютишимиз керак. Турнир жадвалидаги кучли тўртликда турган клублар ўзаро баҳс олиб боради ва очко йўқотади. Курашда давом этамиз. Бу болалар кураши эмас, биз эркак бўлишимиз ва келаси ўйинлар ҳақида ўйлашимиз керак», – деди португалиялик мутахассис.

Эслатиб ўтамиз, Англия Премьер-лигаси 9-турида «МЮ» сафарда «Челси»га 0:4 ҳисобида имкониятни бой берганди.

Маълумот учун, «Манчестер Юнайтед» – «Манчестер Сити» ўртасидаги Англия Лига Кубоги 4-босқич ўйини 26 октябрь куни Тошкент вақти билан соат 23:59 да бошланади.