Акцияларининг 100 фоизи давлатга тегишли стратегик ташкилотлар рўйхати тасдиқланди

«Ўзбекистон ҳаво йўллари» миллий авиакомпанияси, «Ўзавтойўл» компанияси, «Ўзбекистон Республикаси ташқи иқтисодий фаолият миллий банки» унитар корхонаси ва «Навоий кон-металлургия комбинати» давлат корхонаси 2016—2017 йилларда акциядорлик жамиятларига айлантирилади. Бу 17 октябрь куни Ўзбекистон Республикаси Президенти вазифасини бажарувчи Шавкат Мирзиёев томонидан имзоланган «Давлат улуши аксарият қисмини ташкил этувчи акциядорлик жамиятларида корпоратив бошқарувни янада такомиллаштириш чоралари тўғрисида»ги қарорда кўзда тутилган, дея хабар беради «Газета.uz».

Мазкур ҳужжат билан оддий акцияларининг 100 фоизи давлатга тегишли (жумладан, АЖга айлантирилиши юқорида кўрсатиб ўтилган) 10 та стратегик акциядорлик жамияти рўйхати тасдиқланди. Улар қуйидагилардан иборат:

1. «Ўзбекнефтгаз» миллий холдинг компанияси2. «Ўзбекэнерго» АЖ3. «Ўзбекистон темир йўллари» АЖ4. «Ўзбекистон ҳаво йўллари» АЖ5. «Ўзавтойўл» АЖ6. «Ўзбектелеком» АЖ7. «Навоий кон-металлургия комбинати» АЖ8. «Олмалиқ кон-металлургия комбинати» АЖ9. «Халқ банки» акциядорлик-тижорат банки10. «Ўзбекистон Республикаси ташқи иқтисодий фаолият миллий банки» акциядорлик-тижорат банки.