22 октябрь, шанба куни Ўзбекистоннинг айрим ҳудудларида ёғингарчилик кутилади, қарийб бутун мамлакат бўйлаб туман тушиши эҳтимоли бор. Бу ҳақда «Ўзгидромет» маркази хабар бермоқда.
Хабар беришларича, 22 октябрга ўтар кечаси Ўзбекистоннинг тоғли ҳудудларида ҳаво ҳарорати -8...-3 даража совуқ, Тошкент шаҳрида 0...+2 даража, Қорақалпоғистон Республикаси, Хоразм, Қашқадарё, Сурхондарё вилоятларида 0...+5 даража, Фарғона водийси вилоятларида +1...+6 даража, қолган барча ҳудудларда -2...+3 даража илиқ бўлиши кутилмоқда.
Шанба куни кундузи мамлакатнинг тоғли жойларида ҳаво ҳарорати -2...+3 даража, Қорақалпоғистон Республикаси ва Хоразм вилоятида +4...+9 даража, Фарғона водийси вилоятларида +7...+12 даража, Қашқадарё ва Сурхондарё вилоятларида +8...+13 даража, қолган барча ҳудудларда, хусусан, Тошкент шаҳрида +5...+10 даражагача илиқ бўлади.
«Ўзгидромет» ахборотига кўра, Ўзбекистоннинг Тошкент шаҳридан бошқа барча ҳудудларида туман тушиши кутилмоқда. Тошкент шаҳрида 22 октябрга ўтар кечасива 22 октябрь куни тонгда ёмғир ёғиши, сўнг қорга айланиши эҳтимоли бор.
Бундан ташқари, мамлакатнинг тоғли ҳудудларида, Тошкент, Андижон, Наманган, Фарғона вилоятларида ёмғир ёғиши ва қорга айланиши мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)