Ўзбекистоннинг АҚШдаги элчихонасида «Ўзбекистон тараққиёт йўлида: стратегик изчиллик ва анъаналарга содиқлик» мавзусида брифинг бўлиб ўтди. Унда Конгресс, Давлат департаменти, савдо ишлари вазирлиги, АҚШ ишбилармонлик, академик ва экперт доиралари, шунингдек, халқаро ташкилотлар — Халқаро валюта жамғармаси ва Жаҳон банки вакиллари иштирок этди. Бу ҳақда «Жаҳон» ахборот агентлиги хабар бермоқда.
Тадбир чоғида унинг қатнашчилари тараққиётнинг ўзбек модели изчил амалга оширилиши, Ўзбекистоннинг минтақада тинчлик, барқарорлик ва хавфсизликни таъмилашдаги ўрнига баҳо берди.
— Сиёсий кампанияларда АҚШ Республикачилар партияси делегати сифатида иштирок этиш тажрибасига эгаман. Мазкур тадбир Ўзбекистоннинг бугунги кундаги ривожи, шунингдек, бўлажак президентлик сайловларига тайёргарлик борасида амалга оширилаётган ишлар билан яқиндан танишиш имконини берди, — дея таъкидлади Евросиё бизнеси коалициясининг глобал бизнесни ривожлантириш масалалари бўйича вице-президенти Ральф Винни.
— Биз Ўзбекистон билан 12 йилдан бери ҳамкорлик қилиб келмоқдамиз, — дея маълум қилди АҚШнинг «Очиқ дунё» маркази дастурлар менежери Луис Маданик. — Маълумотларга тўлиқ ушбу брифинг учун миннатдорчилик билдиришни истардим. Унда мамлакатнинг бугунги куни, жумладан, демократик стандартларга мувофиқ президентлик сайловлари ўтказиш юзасидан кўрилаётган чоралар ҳақида батафсил ахборот тақдим этилди. Ўзбекистоннинг минтақада тинчлик ва хавфсизликни таъминлашдаги ўрнига юксак баҳо бераман, ҳарбий можароларга қўшилмаслик, турли блокларга аъзо бўлмаслик мақомига содиқ қолиб келаётганини қадрлайман.
Изоҳ (0)