Оёқнинг бош бармоғида суяк туртиб чиқишига ўта тор пойабзал, нотўғри овқатланиш, ирсият, ясситовонлилик, бод касали сабаб бўлиши мумкин. Одатда оёқдаги шишдан халос бўлиш учун ортопедлар доимий равишда ва узоқ муддат кийиб юриладиган мосламалар тавсия этади, касаллик ўтказиб юборилган тақдирда эса жарроҳлик операцияси талаб этилади. «Фитхакер» ушбу муаммодан қутулишнинг халқ табобатига асосланган усулларини тавсия этади.
1. Аввалига организмни ортиқча тузлардан тозалаш лозим. Кечки пайт 1 стакан майдаланган дафна баргларига 300 миллилитр сув қуйинг ва 5 дақиқа қайнатинг. Дамламани термосга қуйиб, эрталабгача тиндиринг. Тонгда дамламани тўрдан ўтказиб, кун давомида оз-оздан, кичик ютумлар билан ичиш лозим. Дамламани 3 кун давомида ичиш, бир ҳафтадан сўнг эса такрорлаш талаб этилади.
2. 5 та катта дафна япроғига 100 миллилитр 40 даражали спирт қуйиб, бир ҳафтага қолдиринг, вақти-вақти билан аралаштириб туринг. Оёғингизни содали қайноқ сувда (3 литр сувга 1 стакан сода) буғлантириб, шишга дамламада намлантирилган докадан компресс қуйинг. Пайпоқ билан ухланг.
3. 5 та аспирин таблеткасини майдалаб, 10 миллилитр йодда эритинг. Ҳосил бўлган дори нафақат оёқдаги шишлар, балки барча муаммоли бўғинлар — тизза, тирсак ва тўпиққа ҳам кор келади.
4. Оғриқ ва яллиғланишни йодли тўр ҳам қолдиради. Бир ой давомида оёқларни буғлантириб бўлгач, ётишдан олдин шишган жойга чизсангиз бўлади.
5. Йод ва лимон шарбатини 1:1 нисбатида аралаштириб, катталашаётган шишдан ташқари товон зирқирашига ҳам малҳам топасиз.
Изоҳ (0)