Facebook ва Google компаниялари Тинч океани туби бўйлаб 12 800 километрлик интернет-кабель ётқизиш учун бирлашди, дея хабар бермоқда «РБК». Интернет-кабель Лос-Анжелес ва Гонконгни бирлаштиради ва Осиёга хизмат кўрсатиш учун «порт»га айланиши мумкин.
CNN маълумотларига кўра, компаниялар Facebook’нинг 1,7 миллиард фойдаланувчилари видеолари ва Google серверларида сақланадиган ҳужжатлар туфайли ҳар куни улкан ҳажмдаги маълумотларга ишлов беради.
Тинч океанидаги янги кабель 2018 йилда ишлашни бошлайди. Бу Google ўз улушига эга бўлган олтинчи сув ости кабели бўлади, бироқ Америка ва Осиё ўртасидаги бошқа ҳар қандай кабеллар билан солиштирганда, Google маълумотларига кўра, у энг юқори ўтказиш қобилиятига (сониясига 120 терабит) эга бўлади.
Изоҳ (0)