12 октябрь, чоршанба куни Ўзбекистон Республикаси ташқи ишлар вазири Абдулазиз Камилов Кувайт давлати Фавқулодда ва мухтор элчиси Аҳмад Холид Абдулла ал-Жийранни қабул қилди. Бу ҳақда вазирлик матбуот хизмати хабар бермоқда.
Мулоқот давомида икки ва кўп томонлама шакллардаги, жумладан, Ислом ҳамкорлик ташкилоти, БМТ ва бошқа халқаро тузилмалар доирасидаги Ўзбекистон—Кувайт ҳамкорлигининг долзарб масалалари муҳокама қилинди. Шунингдек, икки давлат вакилларининг ўзаро ташрифлари жадвали юзасидан ҳам фикр алмашилди.
Учрашувда Тошкент шаҳрида бўлиб ўтадиган ИҲТ ташқи ишлар вазирлари кенгашининг 43-сессиясида Кувайт делегацияси иштирокининг амалий жиҳатларига алоҳида эътибор қаратилди.
Изоҳ (0)