12-oktabr, chorshanba kuni O‘zbekiston Respublikasi tashqi ishlar vaziri Abdulaziz Kamilov Kuvayt davlati Favqulodda va muxtor elchisi Ahmad Xolid Abdulla al-Jiyranni qabul qildi. Bu haqda vazirlik matbuot xizmati xabar bermoqda.
Muloqot davomida ikki va ko‘p tomonlama shakllardagi, jumladan, Islom hamkorlik tashkiloti, BMT va boshqa xalqaro tuzilmalar doirasidagi O‘zbekiston—Kuvayt hamkorligining dolzarb masalalari muhokama qilindi. Shuningdek, ikki davlat vakillarining o‘zaro tashriflari jadvali yuzasidan ham fikr almashildi.
Uchrashuvda Toshkent shahrida bo‘lib o‘tadigan IHT tashqi ishlar vazirlari kengashining 43-sessiyasida Kuvayt delegatsiyasi ishtirokining amaliy jihatlariga alohida e’tibor qaratildi.
Izoh (0)