Обама «Мэттью» довулидан жабр кўрган штатларга федерал кўмак ажратишга ваъда берди

АҚШ президенти Барак Обама Жоржия, Жанубий ва Шимолий Каролина, Флорида губернаторлари билан телефон орқали суҳбатлашиб, «Мэттью» довули етказган зарарни қоплаш учун ушбу штатларга федерал кўмак кўрсатилишини ваъда қилди, деб ёзади «ТАСС» Оқ уй расмий вакили Эрик Шульцга таяниб.

«‘Мэттью’ қандай оқибатларга олиб келганини маҳаллий ҳукуматларнинг ўзларидан билиш учун, президент Жоржия, Жанубий Каролина, Шимолий Каролина ва Флорида губернаторлари билан алоҳида суҳбатлар ўтказди», — деди Шульц.

Унинг сўзларига кўра, Обама ушбу штатларга довул оқибатларини бартараф этишда ёрдам бериш мақсадида федерал кўмак ваъда қилди. Бундан ташқари, федерал фавқулодда хизматлар ўз маҳаллий ҳамкаблари билан ҳамкорлик қилади.

Оқ уй вакили ишонтиришича, президент ёрдамчиси Лиза Монако Обамани довул билан боғлиқ вазият ҳақида доимий равишда хабардор қилиб турибди.