Германия федерал кенгаши — Бундесрат Евроиттифоққа 2030 йилдан бензин ва дизель двигателли янги автомобилларни фойдаланишга қабул қилмаслик таклифи билан мурожаат этди. Бу ҳақда, тегишли қонун лойиҳасига таяниб, Spiegel маълум қилди, деб хабар беради «Ведомости».
Ҳужжатда Евроиттифоқ автотранспорт соҳасидаги мавжуд солиқ ва йиғимлар амалиётини кўриб чиқиш, экологик нейтрал транспортга ўтишни рағбатлантиришга эътибор қаратишга даъват қилинган.
Лойиҳа муаллифлари 4 ноябрдан кучга кирадиган иқлим бўйича Париж келишувининг асосий йўналишларидан бири автомобиль ташланмаларини камайтириш эканлигини эслатиб ўтади. Жумладан, Германия 2050 йилга келиб углерод ташланмаларини 95 фоизга камайтириши лозим.
Изоҳ (0)