Колумбия президенти Хуан Мануэль Сантосни 2016 йилги тинчлик бўйича Нобель мукофоти лауреати деб эълон қилган Норвегия Нобель қўмитаси мукофот Жанубий Америка республикасидаги тинчлик жараёнини қўллаб-қувватлашга ёрдам беради деб умид қилади. Бу ҳақда қўмита раиси Карин Сисилле Кулльман Фиве «ТАСС»га берган интервьюсида маълум қилди.
«Биз қилаётган ишдан мақсад Колумбияда тинчлик жараёнини қўллаб-қувватлаш ва мустаҳкамлашдир. Президент Сантос каби биз ҳам референдумда тинчлик битимининг шартларига қарши овоз берган Колимбия халқининг демократик танловини чуқур ҳурмат қиламиз, бироқ жараён яна илгарилашини истаймиз», — деди у.
Унинг сўзларига қараганда, мукофот тинчлик жараёнини ўрнатишдаги аввалги муваффақиятлар билан бирга унинг муваффақиятли якунланиши умидида ҳам тақдим этилган.
Изоҳ (0)