АҚШда Олимпия ва Паралимпия ўйинлари иштирокчиларини мукофот пулидан солиқ тўлашдан озод қилувчи қонунни мамлакат президенти Барак Обама имзолади. Шу тариқа, АҚШ Конгресси аъзоси Роберт Долд томонидан ишлаб чиқилган ушбу ҳужжат кучга кирди, деб хабар бермоқда «ТАСС».
АҚШ олимпия қўмитаси томонидан тўланадиган мукофот пули олтин медаль учун 25 000, кумуш медаль учун 15 000 ҳамда бронза медали учун 10 000 долларни ташкил этади.
Хабарда қайд этилишича, ушбу мукофот пули учун солиқ миқдори тегишли равишда 9 900, 5 940 ва 3 960 долларни ташкил қилар эди.
Янги қабул қилинган қонун профессионал спортчиларнинг ҳомийлик шартномалари – у ёки бу маҳсулотнинг рекламасидан тушадиган даромад солиғидан озод этишни кўзда тутмайди. Қонун, шунингдек, йиллик даромади 1 миллион доллардан ошадиган олимпия ва паралимпия термаси аъзоларига таъсир қилмайди. Бу эса янги қонун энг совриндор америкалик спортчиларни четлаб ўтишини англатади.
Маълумот ўрнида, Рио–2016 Олимпия ўйинларида 554 америкалик спортчи иштирок этиб, 121 та (46 олтин, 37 кумуш, 38 бронза) медалга сазовор бўлиб, норасмий медаллар рейтингида биринчи ўринни қўлга киритганди.
Изоҳ (0)