Bugun,

  • USD 11095.31
  • RUB 173.84
  • EUR 10772.44

AQShda Olimpiya va Paralimpiya o‘yinlari ishtirokchilarini mukofot pulidan soliq to‘lashdan ozod qiluvchi qonunni mamlakat prezidenti Barak Obama imzoladi. Shu tariqa, AQSh Kongressi a’zosi Robert Dold tomonidan ishlab chiqilgan ushbu hujjat kuchga kirdi, deb xabar bermoqda “TASS”.

Foto: EPA

Foto: EPA

AQSh olimpiya qo‘mitasi tomonidan to‘lanadigan mukofot puli oltin medal uchun 25 000, kumush medal uchun 15 000 hamda bronza medali uchun 10 000 dollarni tashkil etadi.

Xabarda qayd etilishicha, ushbu mukofot puli uchun soliq miqdori tegishli ravishda 9 900, 5 940 va 3 960 dollarni tashkil qilar edi.

Yangi qabul qilingan qonun professional sportchilarning homiylik shartnomalari – u yoki bu mahsulotning reklamasidan tushadigan daromad solig‘idan ozod etishni ko‘zda tutmaydi. Qonun, shuningdek, yillik daromadi 1 million dollardan oshadigan olimpiya va paralimpiya termasi a’zolariga ta’sir qilmaydi. Bu esa yangi qonun eng sovrindor amerikalik sportchilarni chetlab o‘tishini anglatadi.

Ma’lumot o‘rnida, Rio–2016 Olimpiya o‘yinlarida 554 amerikalik sportchi ishtirok etib, 121 ta (46 oltin, 37 kumush, 38 bronza) medalga sazovor bo‘lib, norasmiy medallar reytingida birinchi o‘rinni qo‘lga kiritgandi.

Izoh
Asosiy yangiliklar
Mahalliy
O‘zbekistonda 29-may kuni 39 darajagacha issiq bo‘ladi
Shou-biznes
“Xitoydan o‘ligim qaytadi deb qo'rqqanman”. Uch xil ovozda gapira oladigan xalqaro sirk ustasi, vayner Sherzod Mamadaliyev bilan suhbat (video)
Mahalliy
Xorazmda 3-sinf o‘quvchilariga behayo xatti-harakatlar qilgan 61 yoshli o‘qituvchi besh sutkaga qamaldi