Ўзбекистон Республикаси Президенти сайловини ўтказувчи 6-Наманган округ сайлов комиссиясининг йиғилиши бўлиб ўтди. Бу ҳақда ЎзА хабар бермоқда.
Округ сайлов комиссияси томонидан туман ва шаҳарлар ҳокимликлари ҳамда ҳарбий қисмлар командирларининг сайлов участкаларини тузиш тўғрисидаги тақдимномалари асосида округ ҳудудида 690 сайлов участкаси тузилди. Сайлов участкаларининг тартиб рақами, чегараси ва манзили кўрсатилган рўйхати тасдиқланди. Округ сайлов комиссиясининг бу ҳақдаги тегишли қарори қабул қилинди.
— Сайлов участкаларини тузишда, аввало, муайян ҳудудда истиқомат қилувчи сайловчиларга қулай ва замонавий бинолар танланди, — дейди 6-Наманган округ сайлов комиссияси раиси Пахриддин Маткаримов. — Сайловда 1 миллион 771 мингдан зиёд сайловчи иштирок этиши кутилмоқда. Уларнинг 69 минг 185 нафари биринчи маротаба овоз берадиган ёшлардир.
Йиғилишда участка сайлов комиссияларини тузиш, сайлов участкаларини давлат рамзлари, мебель жиҳозлари, алоқа, ахборот, техника воситалари билан таъминлаш борасидаги вазифалар муҳокама этилди.
Изоҳ (0)