Криштиану Роналду Лиссабонда тўрт юлдузли меҳмонхонасини очди

Футбол бўйича Португалия терма жамоаси ҳамда Мадриднинг «Реал» клуби ҳужумчиси Криштиану Роналду Лиссабон шаҳрида тўрт юлдузли меҳмонхонасини очди. Бу ҳақда Marca нашрига таяниб, «ТАСС» хабар бермоқда.

Pestana CR7 номли меҳмонхона Португалия пойтахтининг тарихий марказида жойлашган.

«Ҳаёт фақат футболдан иборат эмас. Футболга иштиёқим баланд, аммо келажак ҳақида ҳам ўйлашим керак», – деди 31 ёшли футболчи меҳмонхонанинг очилиш маросимида.

Қайд этиш жоиз, ушбу меҳмонхона Pestana CR7 бренди остидаги иккинчиси бўлди. Аввалроқ Роналду Мадейра оролидаги ўзи туғилиб-ўсган Фуншал шаҳрида беш юлдузли меҳмонхона очганди.

Келажакда португалиялик футболчи Мадрид ва Нью-Йорк шаҳарларида ҳам меҳмонхона барпо этмоқчи.