Мадриднинг «Реал» клуби Европа Чемпионлар Лигаси гуруҳ босқичи 3-турини Польшада «Легия» клубига қарши ўтказади. УЕФА мазкур беллашувни мухлисларсиз ўтказиш қарорини чиқарди.
«Легия»нинг Дортмунд «Боруссия»сига қарши ўйинида маҳаллий мухлислар бир қатор тартибсизликлар келтириб чиқарган. Майдонга пиротехника воситалари ва турли буюмлар улоқтирилган. Бунинг оқибатида УЕФА жамоанинг уй учрашуви томошабинларсиз ўтишини маълум қилган, деб ёзди «Championat.asia» «Легия» сайтига таяниб.
Бундан ташқари «Легия» 80 минг евро миқдорида жарима тўлаб бериши ҳам керак. Мазкур ҳолат юзасидан клуб расмийлари апелляция беришга тайёргарлик кўрмоқда.
Маълумот учун, «Реал»нинг «Легия» қарши сафар ўйини 2 ноябрь куни бўлиб ўтади.
Изоҳ (0)