Футбол бўйича Ўзбекистон Олий Лигасида 28 сентябрь куни 24-тур беллашувларининг иккитаси ўз якунига етди.
Осиё Чемпионлар Лигасининг чорак финалига қадар етиб борган ва мамлакат чемпионлиги учун энг яқин бўлиб турган «Локомотив» пойтахт дербисида «Пахтакор»га имкониятни бой берди — 1:2. Мезбонларнинг ҳар икки голига Жалолиддин Машарипов муаллифлик қилган бўлса, унинг ҳар икки голига голли узатмани хоразмлик бошқа бир футболчи Жамшид Искандаров берди.
«Темирйўлчилар» сафидан ҳисобни қисқартирувчи голга Санжар Шоаҳмедов муаллифлик қилди. Унга голли узатмани Икром Алибоев ташлаб берди.
Маълумот учун, Тошкент дербисининг «Локомотив» стадионида бўлиб ўтган биринчи ўйинида «темирйўлчилар» Темурхўжа Абдухолиқовнинг голи эвазига муваффақият қозонганди.
Икки тур аввал бўлиб ўтган Тошкент дербисида «Пахтакор»дан енгилган «Бунёдкор» эса Бухорода очко йўқотди — 0:0. Қўлга киритилган бир очко натижасида «қалдирғочлар» пешқадам «Локомотив» билан орадаги фарқни 5 тага қадар қисқартирди. Кетма-кет уч турда зафар қучган «Пахтакор» эса 5-ўринга кўтарилиб олди.
30 сентябрь куни «Насаф» ўз майдонида «Металлург»ни қабул қилади. 24-турнинг қолган беш учрашуви 1 октябрь куни бўлиб ўтади.
Ўзбекистон Олий Лигаси 24-тур беллашувлари 28 сентябрь, чоршанба
«Пахтакор» — «Локомотив» 2:1
Голлар: Жалолиддин Машарипов, 23 (1:0). Жалолиддин Машарипов, 25 (2:0). Санжар Шоаҳмедов, 42 (2:1).«Бухоро» — «Бунёдкор» 0:0
30 сентябрь, жума«Насаф» — «Металлург»1 октябрь, шанба«Қўқон—1912» — «Навбаҳор»«Андиждон» — «Қизилқум»«Олмалиқ» — «Сўғдиёна»«Обод» — «Нефтчи»«Шўртан» — «Машъал»
Изоҳ (0)