Янги партияга тегишли Samsung Galaxy Note 7 ўз эгасининг қўлида портлаб кетди. Бу Хитойнинг 25 ёшли фуқароси Хуэй Ренжи JD.com сайтида смартфон харид қилганидан бир кун ўтар-ўтмас содир бўлди, деб ёзади «РБК».
Ҳодиса натижасида йигитнинг иккита бармоғи бироз жароҳатланди. Портлашдан унинг MacBook’и ҳам зарар кўрди.
Воқеадан кўп ўтмай, Хуэй Ренжининг ёнига Samsung компанияси вакили келиб, телефонни қайтаришни сўради. Бунинг эвазига компания смартфоннинг пулини тўлиқ қоплаб беришни таклиф қилди. Жабрланувчи таклифни қабул қилмади, у компанияга ишонмагани туфайли, портлаш сабабларини ўзи аниқлашга қарор қилди. У бу муаммога жамоатчилик эътиборини жалб қилмоқчи.
Samsung вакиллари маълум қилишича, ҳозирда улар мижоз билан музокаралар олиб бормоқда. Компания қурилмани қўлга киритиши билан, уни «пухталик билан тадқиқ қилмоқчи».
Аввалроқ Samsung Жанубий Кореяда Galaxy Note 7 смартфонларини алмаштириб бера бошлагани, аммо фойдаланувчилар янги ускуналарда ҳам муаммолар борлигидан шикоят қилаётгани хабар берилган эди.
Изоҳ (0)