Samsung 2015 йил октябрида Galaxy On линейкасини тақдим этган эди, у Хитой бозори учун ишлаб чиқилган эди. Бир йилдан сўнг компания серияни янгилади — Хитойда 2016-модель йилига тегишли Galaxy On7 смартфонини сотувга чиқарди, деб ёзади «Hi-tech.mail.ru». Тез орада, шунингдек, Galaxy On5 ва Galaxy On8 чиқарилиши кутилмоқда, On8 эксклюзив тарзда Ҳиндистонда тақдим этилади.
Galaxy On7 ва On5 олд панелдаги Home тугмасига ўрнатилган бармоқ изи сканерига эга бўлди. Қурилмалар хусусиятлари ўртачадан баландроқ: экспертлар Galaxy On7’ни Galaxy J7 Prime’нинг яхшиланган версияси деб ҳисоблайди. Кичик моделнинг нархи тахминан 9 190 рупия (140 доллар)га тенг, каттаси эса 11 990 рупия (180 доллар)га таклиф қилинмоқда.
Galaxy On7 8 ядроли Snapdragon 625 чипсети, 3 Гб тезкор ва 32 Гб ички хотира (256 гигабайтгача microSD), 5,5 дюймли ва 1080×1920 пикселли Super AMOLED дисплей, 3300 мА/соат сиғимли аккумулятор, 13 мегапикселли асосий ва 8 мегапикселли олд камерага эга бўлди.
Изоҳ (0)