Америкалик истеъмолчилар дўконларга 500 мингта Galaxy Note 7 смартфонини қайтарди. Samsung АҚШдан мазкур моделдаги жами 1 миллион қурилмани қайтариб олишни режалаштирмоқда, деб хабар беради «Интерфакс».
Мамлакатда алмаштирув дастури 21 сентябрда бошланди. Америкаликларнинг аксарияти алмаштириш учун компаниянинг бошқа маҳсулоти ёки пул тўловини эмас, смартфонни олишни маъқул кўрмоқда. Бироқ улар (гарчи Samsung биринчи куннинг ўзида 500 мингта қурилма бўлишини ваъда қилган бўлса-да), янги телефонларнинг келтирилиши ҳақида маълумотлар етарли эмаслиги ва бошқа муаммолардан нолимоқда.
Жанубий Корея мутасаддилари компанияга Galaxy Note 7 харидорларига товон тўлаш муддатини узайтириш ва аккумуляторлар хавфсизлигини таъминлаш бўйича қўшимча чоралар кўриш юзасидан кўрсатма берди. Шу боис Samsung товон тўлаш дастурининг якунланиши муддатини 26 сентябрдан 30 сентябрга кўчирди.
Компания акциялари Сеулда 23 сентябрь, жума кунги биржа савдоларида 3 фоизга арзонлади.
Изоҳ (0)