Хитой жануби–ғарбидаги Гуйчжоу провинцияси тоғларида 25 сентябрь, якшанба куни дунёдаги энг йирик FAST (Five Hundred Meter Aperture Spherical Telescope) радиотелескопи фойдаланишга топширилди. Қурилма ишга тушган кунининг ўзида илк суратларни олиши кутилмоқда, деб хабар беради «РБК».
2011- йил мартида бошланган телескоп тайёрланиши 2016 йил июлида якунига етди. Ҳудуди 30 футбол майдонига тенг, диаметри 500 метр, 4450 та учбурчакли қайтаргичларга эга.
Жами 1,2 миллиард юань (180 миллион доллар) инвестиция сарфланган мазкур лойиҳа оператори — SKA (Square Kilometer Arra) раҳбари Филипп Даймондга кўра, «FAST олдин ҳеч қачон кўриб бўлмаган нарсаларга нигоҳ ташлашга имкон беради». Олимлар қурилма ёрдамида ғайроиддий коинот объектларини кузатиш, қора материя ва галактикалар эволюциясини ўрганиш, шунингдек, ўзга цивилизациялар қидирувини олиб бориш билан машғул бўлиши мумкин.
Маълумот учун, FAST ишга туширилгунга қадар Пуэрто-Рикодаги Аресибо обсерваториясида жойлашган 305 метрли қурилма дунёдаги энг йирик радиотелескоп саналарди.
Изоҳ (0)