Колумбия ҳукумати «Колумбия инқилобий қуролли кучлари» гуруҳи исёнчилари билан тинчлик ўрнатиш ҳақидаги тарихий битимни имзолади. Бу ҳақда «Газета.ru» хабар бермоқда.
Колумбиянинг Картахена шаҳрида бўлиб ўтган битимни имзолаш маросимида мамлакат президенти Хуан Мануэль Сантос ва собиқ исёнчиларнинг етакчиси, кўпроқ Тимошенко лақаби билан машҳур, Родриго Лондоньо Эчеверри ҳужжат остига имзо чекди.
Тинчлик ҳақидаги битим 52 йил давом этган фуқаролик урушидан сўнг имзоланганлиги таъкидланмоқда. Мазкур давр ичида 260 минг киши ҳалок бўлган, яна олти миллион одам ўз уйларини тарк этишга мажбур бўлган.
Изоҳ (0)