Ўзбекистон Республикаси Президентининг қарори (pdf)га мувофиқ, Ўзбекистон Фанлар академияси, Иқтисодиёт вазирлиги, Молия вазирлиги ҳамда Давлат геология ва минерал ресурслар қўмитасининг Ҳ.М. Абдуллаев номидаги Геология ва геофизика институти Фанлар академияси тизимидан Давлат геология ва минерал ресурслар қўмитасининг тасарруфига ўтказилди, деб ёзади Norma.
Қуйидагилар институт фаолиятининг асосий вазифалари этиб белгиланди:
- ер қобиғи геологик тузилиши ва таркибининг чуқур фундаментал тадқиқотларини олиб бориш, республика ҳудудининг теран ер қаъри тузилишини комплекс ўрганиш ва шу асосда уч ўлчовли геологик-геофизик моделларни тузиш;
- геологик тадқиқотлар олиб бориш дастурларининг назарий ва методологик асосларини ишлаб чиқиш, фойдали қазилмаларни қайта ишлашда илғор технологияларни татбиқ қилиш;
- фойдали қазилма конларини геологик таҳлил этиш, прогноз қилиш ва излаш усулларини такомиллаштиришга қаратилган амалий тадқиқотлар, ишланмалар ва экспериментларни тизимли равишда амалга ошириш ва бошқалар.
Изоҳ (0)