O‘zbekiston Respublikasi Prezidentining qarori (pdf)ga muvofiq, O‘zbekiston Fanlar akademiyasi, Iqtisodiyot vazirligi, Moliya vazirligi hamda Davlat geologiya va mineral resurslar qo‘mitasining H.M. Abdullayev nomidagi Geologiya va geofizika instituti Fanlar akademiyasi tizimidan Davlat geologiya va mineral resurslar qo‘mitasining tasarrufiga o‘tkazildi, deb yozadi Norma.
Quyidagilar institut faoliyatining asosiy vazifalari etib belgilandi:
- yer qobig‘i geologik tuzilishi va tarkibining chuqur fundamental tadqiqotlarini olib borish, respublika hududining teran yer qa’ri tuzilishini kompleks o‘rganish va shu asosda uch o‘lchovli geologik-geofizik modellarni tuzish;
- geologik tadqiqotlar olib borish dasturlarining nazariy va metodologik asoslarini ishlab chiqish, foydali qazilmalarni qayta ishlashda ilg‘or texnologiyalarni tatbiq qilish;
- foydali qazilma konlarini geologik tahlil etish, prognoz qilish va izlash usullarini takomillashtirishga qaratilgan amaliy tadqiqotlar, ishlanmalar va eksperimentlarni tizimli ravishda amalga oshirish va boshqalar.
Izoh (0)