Huawei компанияси ICT Week 2016 ахборот ва коммуникация технологиялари ҳафталиги доирасида HAINA янги илмий-таълим лойиҳаси – Huawei ахборот ва тармоқ технологиялари мувофиқлаштирилган академиясини ишга туширишини маълум қилди.
Тошкент ахборот технологиялари университетида фаолият юритадиган лойиҳа келгусида Ўзбекистоннинг АКТ ва телекоммуникациялар соҳасида юқори малакали мутахассисларни тайёрлаш учун негиз вазифасини бажариши назарда тутилган. Лойиҳа Марказий Осиёда биринчи бўлиб ишга тушарилади ва шуниси билан ноёб ҳисобланадики, Тошкент ахборот технологиялари университетида ахборот ва коммуникация технологиялари соҳасида кадрларни сертификациялашнинг ихтисослаштирилган маркази ташкил этилади.
Академия АКТ саноати ва ушбу йўналишда ишлаш ва ривожланишни истаган ёшлар, умидли мутахассислар ўртасида кўприк вазифасини ўташи керак. Лойиҳа қуйидаги мақсадларни кўзлаган:
а) мамлакатнинг энг яхши олий ўқув юртлари билан ҳамкорлик қилиш;б) AКТ соҳасида иқтидорли мутахассисларни ҳамкорликда ривожлантириш;в) AКТ саноатини илгари суриш;г) иқтидорли ва истеъдодли ёшларни қўллаб-қувватлаш.
Шу муносабат билан, Huawei компанияси томонидан 20 нафар тингловчини ўз бағрига сиғдира оладиган ўқитишнинг ўта янги технологиялари билан жиҳозланган махсус Smart-лаборатория барпо этилди. Барча серверлар ва ноёб дастурий таъминот Тошкент ахборот технологиялари университети билан шу йил 17 майда имзоланган меморандум доирасида тақдим этилди.
— Ушбу меморандумни имзолар эканмиз, биз Ўзбекистоннинг 25 йиллиги байрамига академияни тайёрлаш ва уни университет бошқарувига беришни мақсад қилган эдик. Биз ўз ваъдамизнинг устидан чиққанимиз ҳамда АКТ ва телекоммуникациялар йўналишида интерактив дарсларни ўтказиш учун ноёб «ақлли» синфхонани яратганимиздан фахрдаман. Huawei ахборот ва тармоқ технологиялари авторлашган академияси (HAINA) беғараз ҳамкорлик дастури бўлиб, у ёш мутахассислар учун Huawei сертификацияланган курсларини ташкил этишда университетлар ва профессионал коллежларни қўллаб-қувватлайди, — деди Huawei’нинг Ўзбекистондаги бош директори жаноб Ван Пэн.
HAINA дастурини тугатган профессионалларга АКТ соҳасида келгусидаги фаолиятини давом эттириш ва ривожлантириш учун Huawei сертификациясидан ўтиш тавсия этилади. HAINA дастури ўз ичига қуйидаги сертификация турларини олган: HCNA/P-R&S, HCNA/P-WLAN, HCNA/P-Security, HCNA/P-сақлов ва HCNA/P-Cloud Computing.
Ушбу лойиҳа доирасида қуйидаги йўналишлар бўйича илмий-амалий курслар ташкил этилади:
1) кичик ва ўрта ҳажмдаги тармоқларни яратиш ва бошқаришга қаратилган IP-тармоқлар бўйича ўқув курси;2) тармоқ хавфсизлиги бўйича ўқув курси хавфсиз инфратузилмани яратишга қаратилган бўлиб, хавфсизлик тизимлари профессионаллари учун мўлжалланади.3) IT-тармоқлари бўйича ўқув курслари IT-қурилмалар ва Huawei ускуналаридан фойдаланган ҳолда тармоқларни мустақил яратиш бўйича билим ва кўникмаларни оширишга қаратилган;4) CТ-тармоқлар бўйича ўқув курси ва ўта янги АКТлар бўйича онлайн-тренинглар. Уларда Huawei компанияси ўта янги АКТлар бўйича онлайн режимда тренингни тақдим этади.
Huawei компанияси Тошкент ахборот технологиялари университети билан ҳамкорликда шу йилнинг охирида Олмаота шаҳрида бўлиб ўтадиган 10 кунлик ихтисослаштирилган тренинглардан ўтиш учун ёш ўқитувчиларни танлаб олди. Мутахассислар курслар якунланганидан сўнг Академияда мустақил дарс бериши мумкин бўлади. Шунингдек, ушбу лойиҳа ўқитувчиларга ўқитиш учун дастурий таъминот, минтақавий даражада тренинг марказларини жорий этишни лойиҳалаштириш ҳамда лойиҳа бўйича давлат ташкилотлари ўртасида ахборот алмашиш каби йўналишларда тренингларни ўтказишни ҳам кўзда тутади.
Huawei академиясининг очилиши 19 сентябрда Тошкент ахборот технологиялари университетида бўлиб ўтади.
Huawei компаниясининг «Электрон таълим» лойиҳаси ҳақида:
Huawei компанияси АКТ ва мобил технологиялар соҳасидаги илмий тадқиқотлар ва ишланмаларга катта эътибор қаратиши билан дунё миқёсида ажралиб туради. Ўзбекистонда 15 йиллик фаолиятга эга бўлган ва энг инновацион бренд ҳисобланган Huawei компанияси биринчилардан бўлиб «Электрон таълим» лойиҳасини ишга туширди. «Электрон таълимнинг миллий тармоғи» лойиҳасини амалга ошириш натижасида 80 дан зиёд ўқув муассасалари (олий ва ўрта махсус таълим вазирлиги, Ўзбекистон Рсепубликаси Президентининг «Истеъдод» жамғармаси ва 3 та ўқув маркази) 1 Гбит/с гача тезликдаги «Электрон таълим» ягона корпоратив тармоғига уланди. Ҳар бир олий ўқув юртида ВKС Huawei негизида мультимедиа аудиториялари яратилди.
Реклама ҳуқуқи асосида. Хизматлар лицензияланган.
Изоҳ (0)