Huawei kompaniyasi ICT Week 2016 axborot va kommunikatsiya texnologiyalari haftaligi doirasida HAINA yangi ilmiy-ta’lim loyihasi – Huawei axborot va tarmoq texnologiyalari muvofiqlashtirilgan akademiyasini ishga tushirishini ma’lum qildi.
Toshkent axborot texnologiyalari universitetida faoliyat yuritadigan loyiha kelgusida O‘zbekistonning AKT va telekommunikatsiyalar sohasida yuqori malakali mutaxassislarni tayyorlash uchun negiz vazifasini bajarishi nazarda tutilgan. Loyiha Markaziy Osiyoda birinchi bo‘lib ishga tushariladi va shunisi bilan noyob hisoblanadiki, Toshkent axborot texnologiyalari universitetida axborot va kommunikatsiya texnologiyalari sohasida kadrlarni sertifikatsiyalashning ixtisoslashtirilgan markazi tashkil etiladi.
Akademiya AKT sanoati va ushbu yo‘nalishda ishlash va rivojlanishni istagan yoshlar, umidli mutaxassislar o‘rtasida ko‘prik vazifasini o‘tashi kerak. Loyiha quyidagi maqsadlarni ko‘zlagan:
a) mamlakatning eng yaxshi oliy o‘quv yurtlari bilan hamkorlik qilish;b) AKT sohasida iqtidorli mutaxassislarni hamkorlikda rivojlantirish;v) AKT sanoatini ilgari surish;g) iqtidorli va iste’dodli yoshlarni qo‘llab-quvvatlash.
Shu munosabat bilan, Huawei kompaniyasi tomonidan 20 nafar tinglovchini o‘z bag‘riga sig‘dira oladigan o‘qitishning o‘ta yangi texnologiyalari bilan jihozlangan maxsus Smart-laboratoriya barpo etildi. Barcha serverlar va noyob dasturiy ta’minot Toshkent axborot texnologiyalari universiteti bilan shu yil 17-mayda imzolangan memorandum doirasida taqdim etildi.
— Ushbu memorandumni imzolar ekanmiz, biz O‘zbekistonning 25 yilligi bayramiga akademiyani tayyorlash va uni universitet boshqaruviga berishni maqsad qilgan edik. Biz o‘z va’damizning ustidan chiqqanimiz hamda AKT va telekommunikatsiyalar yo‘nalishida interaktiv darslarni o‘tkazish uchun noyob “aqlli” sinfxonani yaratganimizdan faxrdaman. Huawei axborot va tarmoq texnologiyalari avtorlashgan akademiyasi (HAINA) beg‘araz hamkorlik dasturi bo‘lib, u yosh mutaxassislar uchun Huawei sertifikatsiyalangan kurslarini tashkil etishda universitetlar va professional kollejlarni qo‘llab-quvvatlaydi, — dedi Huawei’ning O‘zbekistondagi bosh direktori janob Van Pen.
HAINA dasturini tugatgan professionallarga AKT sohasida kelgusidagi faoliyatini davom ettirish va rivojlantirish uchun Huawei sertifikatsiyasidan o‘tish tavsiya etiladi. HAINA dasturi o‘z ichiga quyidagi sertifikatsiya turlarini olgan: HCNA/P-R&S, HCNA/P-WLAN, HCNA/P-Security, HCNA/P-saqlov va HCNA/P-Cloud Computing.
Ushbu loyiha doirasida quyidagi yo‘nalishlar bo‘yicha ilmiy-amaliy kurslar tashkil etiladi:
1) kichik va o‘rta hajmdagi tarmoqlarni yaratish va boshqarishga qaratilgan IP-tarmoqlar bo‘yicha o‘quv kursi;2) tarmoq xavfsizligi bo‘yicha o‘quv kursi xavfsiz infratuzilmani yaratishga qaratilgan bo‘lib, xavfsizlik tizimlari professionallari uchun mo‘ljallanadi.3) IT-tarmoqlari bo‘yicha o‘quv kurslari IT-qurilmalar va Huawei uskunalaridan foydalangan holda tarmoqlarni mustaqil yaratish bo‘yicha bilim va ko‘nikmalarni oshirishga qaratilgan;4) CT-tarmoqlar bo‘yicha o‘quv kursi va o‘ta yangi AKTlar bo‘yicha onlayn-treninglar. Ularda Huawei kompaniyasi o‘ta yangi AKTlar bo‘yicha onlayn rejimda treningni taqdim etadi.
Huawei kompaniyasi Toshkent axborot texnologiyalari universiteti bilan hamkorlikda shu yilning oxirida Olmaota shahrida bo‘lib o‘tadigan 10 kunlik ixtisoslashtirilgan treninglardan o‘tish uchun yosh o‘qituvchilarni tanlab oldi. Mutaxassislar kurslar yakunlanganidan so‘ng Akademiyada mustaqil dars berishi mumkin bo‘ladi. Shuningdek, ushbu loyiha o‘qituvchilarga o‘qitish uchun dasturiy ta’minot, mintaqaviy darajada trening markazlarini joriy etishni loyihalashtirish hamda loyiha bo‘yicha davlat tashkilotlari o‘rtasida axborot almashish kabi yo‘nalishlarda treninglarni o‘tkazishni ham ko‘zda tutadi.
Huawei akademiyasining ochilishi 19-sentabrda Toshkent axborot texnologiyalari universitetida bo‘lib o‘tadi.
Huawei kompaniyasining “Elektron ta’lim” loyihasi haqida:
Huawei kompaniyasi AKT va mobil texnologiyalar sohasidagi ilmiy tadqiqotlar va ishlanmalarga katta e’tibor qaratishi bilan dunyo miqyosida ajralib turadi. O‘zbekistonda 15 yillik faoliyatga ega bo‘lgan va eng innovatsion brend hisoblangan Huawei kompaniyasi birinchilardan bo‘lib “Elektron ta’lim” loyihasini ishga tushirdi. “Elektron ta’limning milliy tarmog‘i” loyihasini amalga oshirish natijasida 80 dan ziyod o‘quv muassasalari (oliy va o‘rta maxsus ta’lim vazirligi, O‘zbekiston Rsepublikasi Prezidentining “Iste’dod” jamg‘armasi va 3 ta o‘quv markazi) 1 Gbit/s gacha tezlikdagi “Elektron ta’lim” yagona korporativ tarmog‘iga ulandi. Har bir oliy o‘quv yurtida VKS Huawei negizida multimedia auditoriyalari yaratildi.
Reklama huquqi asosida. Xizmatlar litsenziyalangan.
Izoh (0)