Жиззахлик ҳожилар зиёратларини давом эттирмоқда

Жиззах вилоятидан ташриф буюрган ҳожилар ибодатларини масжидул Ҳарамда адо этмоқда, деб ёзади Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита матбуот хизмати.

Улар бугун, 19 сентябрь куни муборак Каъбани тавоф қилиб келди. «У ерда зам-зам сувидан тўйиб ичдилар. Жиззахлик барча ҳожиларимиз соғ ва саломат. Улар халқимиз фаровонлиги, юртимиз тинчлиги, фарзандлари бахт-у иқболини Яратгандан сўраб дуолар қилмоқдалар», — дейилади хабарда.

Эслатиб ўтамиз, 18 сентябрь куни кечқурун ўзбекистонлик ҳожиларнинг биринчи гуруҳлари ватанга соғ-саломат қайтди.