БМТ бош котиби: Голан тепаликларидаги вазият Исроил ва Сурия ўртасидаги ўт очишни тўхтатиш режимини хавф остига қўяди
Голан тепаликларида вазиятнинг кескинлашуви Исроил ва Сурия ўртасидаги ўт очишни тўхтатиш режимини хавф остига қўяди. Бундай огоҳлантириш билан БМТ бош котиби Пан Ги Мун, икки мамлакат ўртасидаги буфер ҳудудидаги вазиятнинг чигаллашувини изоҳлар экан, чиқиш қилди, деб ёзади «ТАСС».
«Мен ўт очишни тўхтатиш чизиғининг кесиб ўтилиши ҳолатларининг давом этаётгани, шунингдек, кучлар ажратилган ҳудудлардаги тўқнашувлардан хавотирдаман. Воқеаларнинг бундай ривожи 1974 йилги кучларни ажратиш ҳақидаги битимга путур етказади, шунингдек, Исроил ва Сурия ўртасидаги ўт очишни тўхтатиш режимини хавф остига қўяди», — деди бош котиб БМТ Хавфсизлик Кенгаши мажлисида.
Пан Ги Мун иккала томонни ҳам «ажратиш ҳақидаги битим шартларига риоя қилиш ва максимал даражадаги тийилишни намоён қилиш»га чақирди.
Аввалроқ Сурия ҳарбийлари 14 сентябрга ўтар кечаси Исроил қирувчи самолёти Голан тепаликларида Сурия армиясининг артиллерия қисмларига ҳужум қилганини маълум қилган эди.
