Стэнфорд университетининг Bio-X институти олимлари дақиқасига 12 та сўз тезлигида ҳарф териш имконини берувчи «мия-компьютер» нейроинтерфейсини ишлаб чиқди, деб ёзади TJournal. Ишланмани иккита маймунда муваффақиятли синаб кўришди.
Янги ишланма мультиэлектрон сенсорга асосланган. У бош мияга имплантация қилинади ва ҳаракат қобиғидан компьютер сичқончасини бошқарувчи қўл ҳаракати учун жавоб берадиган сигналларни бевосита ўқийди.
«Мия-компьютер» сигналларни экранда курсорни бошқарадиган дастурий инструкцияларга ўтказади, бу клавиатурадан зарур ҳарфларни танлаш имконини беради.
Дақиқасига 12 та сўздан иборат ҳарф териш тезлиги бугунги кунда рекорд ҳисобланади. Муаллиф сўзларига кўра, бу «онгли суҳбат» учун етарли бўлади. Ишланма, авваламбор, фалаж кишиларга ёрдам бериши керак.
Нейроинтерфейсни олимлар сенсорлар ўрнатилган иккита резус макакаларда синаб кўрди. Курсор ёрдамида ҳарфларни танлаш ўргатилган маймунлар New York Times ва «Гамлет»дан олинган парчаларни кўчириб ёзди.
Тадқиқотчилар таъкидлашича, фалаж кишилар маймунларга қараганда секинроқ ҳарф териши мумкин, чунки улар сўз танлайди ва имло ҳақида ўйлайди. Ҳарф териш тезлигини ошириш учун олимлар «мия-компьютер»га смартфонларда мавжуд бўлган сўз таклиф қилиш функциясини қўшмоқчи.
Изоҳ (0)