Икки савдо куни мобайнида Samsung Electronics акциялари 10,61 фоиздан кўпроққа арзонлашди. 12 сентябрь, душанба куни Сеулдаги Корея биржасида савдолар якунланадиган пайт уларнинг нархи донаси учун аввалгидек 1,639 миллион вон (1487 доллар) эмас, 1,465 миллион вонни ташкил этди. Бу ҳақда «РБК» хабар бермоқда.
Котировкаларнинг пасайиши Samsung Electronics бозор капиталлашуви икки кун ичида 22 миллиард долларга камайишига олиб келди. Душанба куни, савдолар тугаган пайт у 249,51 триллион вон ёки тахминан 226,375 миллиард долларга тенг бўлди.
Samsung Electronics акциялари нархи кескин пасайиши АҚШ федерал авиация бошқармаси ва бир қатор авиакомпаниялар Galaxy Note 7 смартфонлари аккумуляторлари алангаланиши туфайли йўловчиларни уларни самолётларда ёқмаслик ва қувватлантирмасликка чақиргач рўй берди. Кейинчалик АҚШ истеъмол маҳсулотлари хавфсизлиги комиссияси Samsung Galaxy Note 7 эгаларидан смартфонлардан фойдаланишни тўхтатиш ва уларни ўчириб қўйишга даъват этди.
Экспертлар тахминига кўра, узоқ муддатли истиқболда Galaxy Note 7 билан боғлиқ муаммолар Samsung мавқейига 211 миллиард доллар атрофида зарар келтириши мумкин.
Изоҳ (0)