Twitter ҳар битта твитнинг узунлиги бўйича баъзи чекловларни олиб ташлайди

Twitter хабарларда белгиларнинг ҳисобланиши сиёсатини ўзгартирмоқчи, деб ёзади «Газета.ru».

The Verge ўз манбасига таяниб хабар қилишича, микроблогнинг янги қоидаларига кўра, медиаконтент ва иқтибос сифатида келтирилган твитлар 140 та белги ичига кирмайди.

Янги қоидаларни 19 сентябрдан амалда жорий қилишга ваъда берилмоқда. Хабарларга тасвирлар, gif-анимациялар, видео ва сўровномалар қўшилганида, матндаги белгилар сонини чекламасликни ваъда қилишмоқда. Шунингдек, иқтибос сифатида келтирилган твитлар ҳам ҳисобга олинмайди. Бироқ компания янги қоидаларни бир вақтнинг ўзида ёки аста-секинлик билан жорий қилиши номаълум.

Шу йилнинг майида Twitter пост ёзишда илова қилинган линкларни ҳисобга олмаслиги хабар берилган эди, аммо ушбу қоида қачон амалда қўлланила бошлаши номаълум.